माओवादी केन्द्रको ‘जनतासँग माओवादी जागरण अभियान’ फागुन १२ गतेदेखि
झापाबाट सुरु भएको अभियान चैत ७ गते कञ्चनपुरमा समापन हुने
काठमाडौं । नेकपा माओवादी केन्द्रले यही फागुन १२ देखि हुलाकी राजमार्ग केन्द्रित ‘जनतासँग माओवादी जनजागरण अभियान’ सुरु गर्ने भएको छ ।
शुक्रबार पत्रकार सम्मेलन गरेर माओवादीले फागुन १२ गतेदेखि हुलाकी राजमार्ग केन्द्रित जागरण अभियान सुरु हुने जानकारी दिएको हो । पार्टी प्रवक्ता अग्नि सापकोटाले हुलाकी राजमार्ग केन्द्रित जागरण अभियान झापाको केचनाकवलबाट गरिने बताएका हुन् ।
उनले अभियानको समापन चैत ८ गते कञ्जनपुरमा पुगेर गरिने बताए । तराई क्षेत्रका नागरिकले भोग्नुपरेका समस्याबारे जागरण अभियान केन्द्रित हुने माओवादीले जनाएको छ ।
