दुई संसदीय समितिको बैठक आज बस्दै
५ मंसिर २०८१, बुधवार 
स्टार संवाददाता
स्टार संवाददाता 
काठमाडौं । दुई संसदीय समितिको बैठक आज बस्ने भएको छ । विधायन, व्यवस्थापन समितिको बैठक बिहान ११ बजेका लागि बोलाइएको छ । बैठकमा नवीकरणीय ऊर्जा तथा ऊर्जा दक्षता सम्बन्धी विधेयक, २०८१ मा दफावार छलफल हुनेछ ।
संघीयता सबलीकरण तथा राष्ट्रिय सरोकार समितिको बैठक बिहान साढे ११ बजे बस्ने भएको छ । बैठकमा स्थलगत अनुगमनको प्रतिवेदनको मस्यौदामाथि छलफल हुनेछ ।
बुधबारकै लागि बोलाइएको अर्थ समितिको बैठक स्थगित गरिएको छ । बैठकमा समितिमा प्राप्त विधेयकको प्राथमिकता र कार्ययोजना सम्बन्धमा छलफल गर्ने कार्यसूची तय भएको थियो ।
