माओवादीमा लागेको रोगको उपचार गर्ने ठाउँ नभएकाले फेरि जनतामा आएको अध्यक्ष दाहालको दाबी
सरकार नै भ्रष्टचारीको संरक्षक भएको जिकिर
२८ फागुन २०८१, बुधवार 
स्टार संवाददाता
स्टार संवाददाता 
काठमाडौं । नेकपा माओवादी केन्द्रका अध्यक्ष पुष्पकमल दाहालले कांग्रेस र एमालेको रोग माओवादीमा पनि लागेकाले उपचारका लागि जनतामा गएको बताका छन् ।
बुधबार बुटवलमा आयोजित मगर राष्ट्रिय मुक्ति मोर्चा नेपालको राष्ट्रिय सम्मेलनलाई सम्बोधन गर्दै उनले पार्टीमा लागेको रोगको उपचार गर्न आफू जनताबिच गएको बताएका हुन् । कांग्रेस र एमालेसँग समीकरण गर्दा उनीहरूको रोग अलिअलि माओवादीमा सरेको उनको भनाइ छ ।
अहिलेको सरकार राम्रो गर्नेलाई देखि नसक्ने र आफ्ना मान्छे जतिसुकै भ्रष्टाचारी भए पनि संरक्षण गर्ने गरेको आरोप उनले लगाए । यस्तै जनताको बलले मिल्किसकेको प्रतिगामी शक्तिले फेरि सडकमा देखिएकाले काठमाडौंबाट चुनौती दिन केही दिनका लागि अभियान स्थगित गरेको अध्यक्ष दाहालको दाबी छ ।
