पूर्व अध्यक्ष गणेश थापाद्वारा अखिल नेपाल फुटबल संघका महासचिव किरण राईविरुद्ध मुद्दा

काठमाडौं । पूर्व अध्यक्ष गणेश थापाले अखिल नेपाल फुटबल संघका महासचिव किरण राईविरुद्ध काठमाडौं जिल्ला अदालतमा मंगलबार गाली बेइज्जतीको मुद्दा दायर गरेका छन् । 

यसअघि थापाले साइबर ब्यूरोमा महासचिव राईविरुद्ध उजुरी दिनुभएको थियो । राईले आफ्ना विषयमा बोलेको विषयलाई लिएर उजुरी गरेको थापाको भनाइ छ । 

थापाले मंगलबार एक विज्ञप्ति जारी गर्दै राईले आफूमाथि झुठा र तथ्यहीन आरोप लगाएको भन्दै कानुनी कारबाहीको प्रक्रिया अपनाउने क्रममा जिल्ला अदालतमा पनि मुद्दा दायर गरेको बताए । 

महासचिव किरण राईले थापामाथि एन्फाको १७ करोड रुपैयाँ हिनामिना गरेको आरोप लगाए । उनले सम्पत्ति शुद्धीकरणको छानबिनपछि थापाले ८ करोड रुपैयाँ एन्फाको खातामा जम्मा गरेको दाबीसमेत गरेका थिए ।