सङ्खुवासभा केन्द्रबिन्दु भएर गयो ४.७ म्याग्निच्युडको भूकम्प
१५ फागुन २०८२, शुक्रवार 
स्टार संवाददाता
स्टार संवाददाता 
काठमाडौं । पूर्वी नेपालको सङ्खुवासभामा ४.७ म्याग्निच्युडको भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार बिहान ठिक ३ः१८ बजे भूकम्प गएको हो ।
केन्द्रबिन्दु सङ्खुवासभाको टोप्के गोला नजिकै रहेको बताइएको छ । यसको प्रभावले सङ्खुवासभा र ताप्लेजुङका विभिन्न गाउँ तथा बजार क्षेत्रमा कम्पन महसुस गरिएको थियो ।
अहिलेसम्म कुनै पनि मानवीय क्षति वा भौतिक संरचनामा क्षतिको सूचना प्राप्त भएको छैन ।
