धनुषाको हंसपुर नगरपालिकाका मेयर यादवको निधन
२७ माघ २०८२, मङ्गलवार 
स्टार संवाददाता
स्टार संवाददाता 
काठमाडौं । धनुषाको हंसपुर नगरपालिकाका मेयर प्रदीपकुमार यादवको निधन भएको छ । मस्तिष्कघात भएपछि उपचाररत यादवको काठमाडौंस्थित नर्भिक इन्टरनेशनल अस्पतालमा सोमबार निधन भएको हो ।
मेयर यादवलाई गत बिहीबार राति अचानक मस्तिष्कघात भएको थियो । स्वास्थ्य अवस्था गम्भीर बनेपछि उनलाई तत्काल जनकपुरधामको न्युरो अस्पतालमा भर्ना गरिएको थियो । प्रारम्भिक उपचारपछि अवस्था सुधार नआएपछि शुक्रबार हेलिकप्टरमार्फत थप उपचारका लागि काठमाडौं ल्याइएको थियो ।
यादव नेपाली कांग्रेसबाट हंसपुर नगरपालिकाको मेयर पदमा निर्वाचित भएका थिए ।
