मकवानपुरमा चितुवा मृत अवस्थामा फेला
२० माघ २०८२, मङ्गलवार 
स्टार संवाददाता
स्टार संवाददाता 
काठमाडौं । मकवानपुरको थाहा नगरपालिका–९ महालक्ष्मी खोला किनारामा चितुवा मृत अवस्थामा फेला परेको छ । सोमबार राति मृत अवस्थामा फेला परेको पोथी चितुवा ३९ केजी तौलको रहेको जनाइएको छ ।
चितुवाको मुखबाट रगत बगिरहेको अवस्थामा फेला परेकाले चितुवाहरु एक आपसमा जुधेर मरेको जस्तो देखिएको छ । एक सय ७० सेन्टिमिटर लम्बाई भएको चितुवा करिब साढे २ वर्षदेखि ३ वर्षको जतिको हुन सक्ने अनुमान गरिएको छ ।
चितुवा मृत अवस्थामा रहेको खबर पाएपछि इलाका प्रहरी कार्यालय चित्लाङबाट प्रहरी सहायक निरीक्षक यादवको नेतृत्वमा प्रहरी टोली घटनास्थलमा पुगेको थियो ।
