नागार्जुनबाट लागुऔषध सहित एक जना पक्राउ
काठमाडौं । काठमाडौंको नागार्जुन नगरपालिका-३ स्थित सिंगल ट्रिबाट लागुऔषध सहित एक जना पक्राउ परेका छन् । सिन्धुलीको गोलञ्जोर गाउँपालिका-५ घर भएर नागार्जुन बस्ने २६ वर्षीय अर्जुन श्रेष्ठ पक्राउ परेका हुन् ।
आरोपीको साथबाट प्रहरीले १५ सय ६० एम्पुल लागुऔषध बरामद गरेको छ । श्रेष्ठको साथबाट ५४० एम्पुल डाइजेपाम, ५२० एम्पुल फेनारगन र ५ सय एम्पुल बुप्रेनर्फिन बरामद गरिएको प्रहरीले जनाएको छ ।
उनीविरुद्ध लागुऔषध मुद्दा ५ दिनको म्याद लिएर प्रहरी वृत्त स्वयम्भुले अनुसन्धान गरिरहेको छ ।

.gif)