अत्याधिक चिसो र शितलहरका कारण जनकपुरसहित मधेसको जनजीवन प्रभावित
११ माघ २०८१, शुक्रवार 
स्टार संवाददाता
स्टार संवाददाता 
काठमाडौं । तीन दिनदेखि बढेको अत्याधिक चिसो र शितलहरका कारण जनकपुरधामसहित मधेसको जनजीवन प्रभावित बनेको छ ।
गत सोमबारदेखि दिउँसोबाट घाम उदाएको भएपनि मंगलबार देखि एकाएक चलेको चिसो हावा र विहीबार राति शितको वर्षा भएपछि मधेसमा अत्याधिक चिसो महशुस गरिएको हो ।
मधेशमा विगत तीन दिनदेखि घाम नलाग्नुका साथै शितलहर र सितको वर्षा पनि भइरहेको छ । अत्याधिक चिसो र घाम अभावका कारण ग्रामिण जनजीवन ठप्प छ । दैनिक ज्याला,मजदुरी गर्नेहरु मारमा परेका छन् । मधेसको जनजीवन १० बजे बिहानसम्म ठप्प हुने गरेको छ । चिसोबाट गरिव विपन्नहरुलाई धेरै समस्या भएको छ ।
