कारको ठक्करबाट एक जनाको मृत्यु
१० मंसिर २०८१, सोमवार 
स्टार संवाददाता
स्टार संवाददाता 
काठमाडौं । उदयपुरको चौडण्डीगढी नगरपालिका-९ स्थित भिमामा कारले ठक्कर दिंदा एक जनाको मृत्यु भएको छ । स्थानिय ४५ बर्षिया कमलादेबी चौधरी रहेको मुत्यु भएको हो ।
मदनभण्डारी राजमार्गको गाईघाट–चतरा सडकखण्डको भिमामा पश्चिमबाट पूर्वतर्फ जाँदै गरेको प्रदेश १-०४००१ च १३८६ नम्बरको कार अनियन्त्रित भइ सडक नजिकमा रहेको घरमै बसिरहेकी चौधरीलाई ठक्कर दिएको थियो ।
कारका चालक र एक सवारसमेत घाईते रहेको र उनीहरुलाई उपचारका लागि अस्पताल पठाएको प्रहरीले बताएको छ । घुमाउरो सडकमा तीव्रगतिको कार अनियन्त्रित हुँदा दुर्घटना भएको प्रहरीले जनाएको छ ।
