सुर्खेतमा एसएमएल गाडी दुर्घटना : १ जनाको मृत्यु, ६ घाइते
८ कार्तिक २०८१, बिहिवार 
स्टार संवाददाता
स्टार संवाददाता 
काठमाडौं । सुर्खेतमा एसएमएल गाडी दुर्घटना हुँदा १ जनाको मृत्यु भएको छ । ६ जना घाइते भएका छन् । दैलेखको ठाटीकाँध गाउँपालिका-४ का ३५ वर्षीय दीपक शाहीको मृत्यु भएको हो ।
जुम्लाबाट वीरेन्द्रनगरतर्फ आउँदै गरेको कर्णली प्रदेश ०२२१ ख १०१४ नम्बरको एसएमएल गाडी बराहताल गाउँपालिका-८ को हुड्के भन्ने ठाउँमा आज बिहान ७ बजेतिर दुर्घटना भएको हो ।
घाइते हरुको कर्णाली केयर अस्पतालमा उपचार भइरहेको छ । २९ जना यात्रु सवार उक्त गाडी अनियन्त्रित भएर सडक छेउमा दुर्घटना भएको प्रहरीले बताएको छ ।
