दुई वटा स्कुटर एक आपसमा ठोक्किँदा एक जनाको मृत्यु
१० असोज २०८१, बिहिवार 
स्टार संवाददाता
स्टार संवाददाता 
काठमाडौं । काठमाडौंको लैनचौरमा दुई वटा स्कुटर एकापसमा ठोक्किएर भएको दुर्घटनामा एक जनाको मृत्यु भएको छ । दोलखा मेलुङ गाउँपालिका-५ का २१ वर्षीय रुपेश केसीको मृत्यु भएको हो ।
बा ७९ प ५४७८ नम्बरको स्कुटर र बा प्र ०२-०३६ प ७४४९ नम्बरको स्कुटर आपसमा ठोक्किएर दुर्घटना भएको हो । दुर्घटनामा गम्भीर घाइते भएका केसीको शिक्षण अस्पतालमा महाराजगञ्जमा उपचारको क्रममा मृत्यु भएको प्रहरीले जनाएको छ ।
बा ७९ प ५४७८ नम्बरको स्कुटर चालकलाई नियन्त्रणमा लिईएको प्रहरीले बताएको छ ।
