अपराधी गिरोहसँग सरकारको साँठगाँठ रहेको रास्वपा सांसद् नेपालीको आरोप
९ असार २०८२, सोमवार 
स्टार संवाददाता
स्टार संवाददाता 
काठमाडौं । राष्ट्रिय स्वतन्त्र पार्टीका सांसद् शिव नेपालीले भिजिट भिसाको आवरणमा मानव तस्करीको सञ्जाल नेपालभित्रै बसेर राज्य संरक्षकहरूको मिलोमतोमा चलिरहेको आरोप लगाएका छन् ।
सोमबारको प्रतिनिधिसभाको बैठकमा सांसद् नेपालीले सक्रिय मानव तस्कर र्याकेटलाई राज्यले संरक्षण गरिरहेको आरोप लगाएका हुन् । उनले मानव तस्करीजस्तो जघन्य अपराधमा सरकार निरन्तर मौन रहेको टिप्पणी गर्दै के जनताको मुद्दा उठाउनु अपराध हो रु भन्दै प्रश्न गरेका छन् ।
उनले मानव तस्करी केवल कानूनी अपराध मात्र नभई मानवताको गम्भीर अपमानसमेत भएको टिप्पणी गर्दै छानविन समिति गठन गर्न माग गरेका छन् ।
