करेन्ट लागेर एक जनाको मृत्यु, चार घाइते

काठमाडौं । बैतडीमा करेन्ट लागेर एकजनाको मृत्यु भएको छ । चार जना घाइते भएका छन् । पाटन नगरपालिका( ६ डुङराकी  ५७ वर्षीया जानकी लुहारको मृत्यु भएको हो । 

प्रहरीका अनुसार सोमबार अपराह्न  साढे ४ बजेतिर घरमा ‘ग्याबिन’ तारमाथि लुगा सुकाउने क्रममा जानकीलाई करेन्ट लागेको हो । करेन्ट लागेर गम्भीर घाइते भएकी  जानकीको उपचारका लागि पाटन  लैजाने क्रममा बाटोमै मृत्यु भएको प्रहरीले जनाएको  छ । 

करेन्ट लागेर ३८ वर्षीया कलावती ओड, १२ वर्षीया पवित्रा ओड, १० वर्षीया भुवनेश्वरी ओड र  २२ वर्षीया सीता लुहार घाइते भएका हुन् । घटनाबारे अनुसन्धान भइरहेको जिल्ला प्रहरी कार्यालय बैतडीले जनाएको छ ।