नेपाल आयल निगम डिपोका कर्मचारीको हत्या
काठमाडौं । धनुषाको क्षिरेश्वरनाथ नगरपालिकाको सखुवा महेन्द्रनगरस्थित नेपाल आयल निगम डिपोका ज्यालादारी कर्मचारीकाे हत्या भएको छ ।
सिरहाको सिरहानगरपालिका ३ मखनाहाका ४० वर्षीय राकेश बर्माको हत्या भएको हो । आज बिहान साढे १० बजेतिर आयल निगमको एउटा कोठामा वादविवादको क्रममा उनको हत्या भएको इलाका प्रहरी कार्यालय सखुवा महेन्द्रनगरले जनाएको छ ।
घटनामा संलग्न भएको भन्दै प्रहरीले प्रकाश यादवलाई पक्राउ गरेको छ । घटनाको अनुसन्धान भइरहेको प्रहरीले जनाएको छ ।
