गायन रियालिटी शो ‘गाउँछ गीत’को घोषणा

काठमाडौं । नयाँ गायन रियालिटी शो ‘गाउँछ गीत’को घोषणा गरिएको छ । शनिबार काठमाडौंमा एक समारोहको आयोजना गरी उक्त कार्यक्रमको घोषणा गरिएको हो । एच.एस. साइना क्रियशनले निर्माण गर्ने उक्त कार्यक्रम प्राइम टेलिभिजन मार्फत प्रसारण गरिने जानकारी पत्रकार सम्मेलनमा दिइएको छ । 

यो कार्यक्रम रोजी शार्मको परिकल्पनामा बनाइएको हो । नेपाली संगीतको विकास र विस्तारको लक्ष्यलाई आत्मसात गर्दै, नवप्रतिभाहरुको खोज, पहिचान र सम्मानलाई प्रमुख आधार बनाइएको यो ककार्यक्रमलाई मौलिक रियालिटी शो भनिएको छ । 

यस कार्यक्रममा नेपाल भित्र रहेका मात्र नभइ नेपाल बाहिर रहेका इच्छुकहरुले भाग लिन सक्ने जनाइएको छ । 

कार्यक्रमको निर्णायकहरुमा वरिष्ठ गायिका संगीता राना प्रधान, गायक तथा संगीतकार थानेश्वर गौतम र गायिका साहिमा श्रेष्ठ रहनेछन् भने कार्यक्रमको सञ्चालन कमेडियन सीता न्यौपाने र अनुप भण्डारीले गर्ने भएका छन् ।