तानसेनमा कार दुर्घटना : एक जनाको मृत्यु
१० भदौ २०८१, सोमवार 
स्टार संवाददाता
स्टार संवाददाता 
काठमाडौं । पाल्पाको तानसेनबाट रानीमहल जाँदै गरेको भारतीय नम्बर प्लेटको कार दुर्घटना हुँदा एक जनाको मृत्यु भएको छ ।
भारतको उत्तर प्रदेशका २८ वर्षीय विकास पाठकको मृत्यु भएको हो । रानीमहलतर्फ जाँदै गरेको यूपी १४ डीएन १०४ नम्बरको कार गएराति पौने ११ बजेतिर तानसेन–१, स्थित नारायण डाँडामा दुर्घटनामा परेको हो ।
कार सडकबाट १५० मोटर तल खसेको प्रहरीले बताएको छ । कारमा सवार अन्य पाँचजना भने सकुशल छन् ।
