महोत्तरीमा एक जना वडाध्यक्ष मृत अवस्थामा फेला
९ भदौ २०८१, आइतवार 
स्टार संवाददाता
स्टार संवाददाता 
काठमाडौं । महोत्तरीमा एक जना वडाध्यक्ष मृत अवस्थामा फेला परेका छन् ।
रामगोपालपुर नगरपालिका वडा नं २ का वडाध्यक्ष मुकेशकुमार यादव मृत भेटिएका हुन् । जिल्ला प्रहरी कार्यालय महोत्तरीका अनुसार जलेश्वर बर्दिवास सडकखण्डको बर्दिवास नगरपालिका वडा नं ८ स्थित कलभर्ट छेउमा आज बिहान उनी मृत फेला परेका हुन् ।
यादव मृत फेला परेको छेउमा लु.प्रदेश ०१–००१ प ६३६२ नम्बरको मोटरसाइकल पनि दुर्घटनाग्रस्त अवस्थामा भेटिएको छ । मोटरसाइकल कलभर्टमा ठोक्किएर दुर्घटना भएको जस्तो देखिएको प्रहरीले जनाएको छ ।
तर, घटनाबारे थप खुलिसकेको छैन । अनुसन्धान गरिरहेको प्रहरीले जनाएको छ ।
