सर्लाहीमा पोखरीमा डुबेर बालकको ज्यान गयो
८ भदौ २०८१, शनिवार 
स्टार संवाददाता
स्टार संवाददाता 
काठमाडौं । सर्लाहीको ब्रह्मपुरी गाउँपालिका स्थित राम जानकी मठको पोखरीमा डुबेर एक बालकको मृत्यु भएको छ ।
ब्रह्मपुरी गाउँपालिका वडा नं २ का ६ वर्षीय अङ्कित साहको शनिबार पोखरीमा डुबेर मृत्यु भएको हो । घर नजिकैको पोखरीमा नुहाउन पसेका साह डुबेका जिल्ला प्रहरी कार्यालय सर्लाहीले जनाएको छ ।
उनलाई स्थानीयले तत्कालै पोखरीबाट बाहिर निकाले पनि बचाउन भने नसकिएको प्रहरीले जनाएको छ ।
