अभिनेता विपिन कार्कीलाई मातृशोक
६ भदौ २०८१, बिहिवार 
स्टार संवाददाता
स्टार संवाददाता 
काठमाडौं । अभिनेता विपिन कार्कीलाई मातृशोक परेको छ ।
उनकी आमा सरस्वती कार्कीको उपचारको क्रममा विहिबार बिहान ६ बजे पाटन अस्पतालमा निधन भएको छ । ४ दिनदेखि भेन्टिलेटरमा राखेर उनकी आमाको उपचार गरिँदै आएको थियो ।
उनी विभिन्न दीर्घरोगबाट पीडित थिइन् । उनलाई पछिल्लो समय फोक्सोमा पानी जम्ने र मस्तिष्कमा समस्या देखिएको थियो । विपिनकी आमा सरस्वतीको पार्थिव शरिरलाई आज बिहान १० बजे पशुपति आर्यघाटमा अन्तिम संस्कार गरिने भएको छ ।
आमा बिरामी भएपछि विपिन पछिल्लो फिल्म ‘ऊनको स्वीटर’को छायांकन बीचमै छाडेर काठमाडौं आएका थिए । अभिनेता कार्कीको आज जन्मदिन पनि हो ।
