आज विश्वकर्मा पूजा
१ असोज २०८१, मङ्गलवार 
स्टार संवाददाता
स्टार संवाददाता 
काठमाडौं । असोज संक्रान्तिको अवसरमा आज विश्वकर्माको पूजा गरिँदैछ । शिल्प र प्रविधिसम्बन्धी काम गर्नेहरूले विश्वकर्माको पूजा-आराधना गर्छन् । यो दिन विश्वकर्मासँगै बाहन तथा काम गर्ने प्रविधि तथा यन्त्रको पूजा गर्ने चलन छ ।
प्रविधि र यान्त्रिक काम गर्नेहरूले यो दिन कार्यस्थल सजाई धुमधामका साथ यो पर्व मनाउँछन् । विश्वकर्मा खुशी भए उनको गुण आफूमा प्राप्त हुने विश्वासमा कालिगढ उनको पूजा-आराधना गर्छन् ।
विश्वकर्मा विशेषगरी प्रविधि र शिल्पका देवता मानिन्छन् । पौराणिक तथा संस्कृत साहित्यमा विश्वकर्मा ठूला वास्तुविद् भएको उल्लेख छ ।
