बैतडीको पाटन नगरपालिकाको वडा कार्यालयमा तालाबन्दी
१९ मंसिर २०८२, शुक्रवार 
स्टार संवाददाता
स्टार संवाददाता 
काठमाडौं । बैतडीको पाटन नगरपालिका वडा नम्बर ३ को वडा कार्यालयमा अनिश्चितकालीन तालाबन्दी गरिएको छ । स्थानीय बासिन्दा तथा असन्तुष्ट पक्षले वडाध्यक्ष माथि चुनावी प्रतिबद्धता पूरा नगरेको र भ्रष्टाचार गरेको आरोप लगाउँदै तालाबन्दी गर्न बाध्य भएको बताएका छन् ।
२०७९ सालको स्थानीय चुनावमा नेकपा एमालेबाट निर्वाचित वडाध्यक्ष करुणाकर भट्टले चुनावी प्रचारप्रसारमा ठूलाठूला वाचा गरे पनि आजसम्म एउटा पनि नयाँ विकास योजना नल्याएको तालाबन्दी गर्ने समूहको आरोप छ ।
