नेपाल र जापान सरकारबीच ऋण सम्झौतामा हस्ताक्षर
स्टार संवाददाता 
काठमाडौं । नेपाल र जापान सरकारबीच ऋण सम्झौतामा हस्ताक्षर भएको छ । कोटेश्वर चोक सुधार आयोजनाको लागि ३४.५९ अर्ब रुपैयाँ सहुलियत ऋणसम्बन्धी सम्झौतामा हस्ताक्षर भएको हो ।
बुधबार अर्थमन्त्री रामेश्वर प्रसाद खनालको उपस्थतिमा अर्थ मन्त्रालयमा सम्झौतापत्रमा हस्ताक्षर गरिएको बताइएको छ । जाइकामार्फत प्राप्त हुने उक्त ऋणको ग्रेस अवधि १० वर्ष, भुक्तानी अवधि ३० वर्ष र वार्षिक ०.२ प्रतिशत ब्याजदर रहनेछ ।
यस आयोजनाअन्तर्गत कोटेश्वर तथा जडीबुटी खण्डमा अन्डरपास तथा फ्लाइओभर निर्माण गरिनेछ, जसले काठमाडौं, ललितपुर, भक्तपुर तथा वि।पि।राजमार्ग हुँदै चल्ने सवारीसाधनको आवागमन सहज बनाउन तथा ट्राफिक जाम न्यूनीकरण गर्न महत्त्वपूर्ण योगदान पुर्याउने अपेक्षा गरिएको छ ।
अर्थमन्त्री खनालले आफ्नो सम्बोधनमा नेपाल(जापान सहकार्यअन्तर्गत काठमाडौं उपत्यकाको महत्वपूर्ण जामयुक्त स्थानको सुधारमा प्रगति ल्याउने उद्देश्यले अघि बढाइएको यो परियोजनाले राजधानीको यातायात व्यवस्थापनमा दीर्घकालीन परिवर्तन ल्याउने विश्वास व्यक्त गरेका छन् ।
कार्यक्रममा अर्थ मन्त्रालय, भौतिक पूर्वाधार तथा यातायात मन्त्रालय, सडक विभाग, जापानी दूतावास तथा जाइका नेपालका वरिष्ठ अधिकारीहरूको उपस्थिति रहेको थियो ।
सम्बन्धित समाचार
.gif)
