एलपी ग्यासको खपत बढ्याे

काठमाडौं । चिसो मौसम बढेसँगै बजारमा खाना पकाउने (एलपी) ग्यासको खपत बढ्न थालेको छ ।  पाँच देखि १० प्रतिशत ग्यासको खपत बढेको हाे । 

तीन/चार वर्षअघि जाडोयाम ग्यासको खपत १५ देखि २० प्रतिशतसम्म बढ्ने गरेको छ ।  औद्योगिक क्षेत्र पूर्ण रूपमा सञ्चालन हुन नसक्दा ग्यासको खपत विगतको जस्तो आकारमा भने नबढेको हाे । 

चिसो मौसममा खाना पकाउनुका साथै ग्यास गिजरको प्रयोगले पनि यसको खपत बढ्छ । आपूर्ति नियमित भइरहेकाले पर्याप्त मात्रामा ग्यासको मौज्दात रहेको व्यवसायीको भनाइ छ। ७० प्रतिशत ग्यास घरायसी र ३० प्रतिशत औद्योगिक प्रयोजनमा खपत हुने गर्छ। होटेल तथा रेस्टुरेन्ट सुस्त गतिमा चल्दा ग्यासको खपत स्वाभाविक रूपमा नबढेको व्यवसायी बताउँछन्। निगमले मासिक ४५ हजार मेट्रिक टन ग्यासको कोटा निर्धारण गरेको छ । 

भन्सार विभागको तथ्याङ्क अनुसार चालु आर्थिक वर्ष २०८२र८३ को चार महिनामा (साउन-कात्तिक) १८ अर्ब ८३ करोड ६१ लाख रुपैयाँ बराबरको एक लाख ८२ हजार ११६ मेट्रिक टन ग्यास आयात भएको छ। संघका अनुसार बजारमा एक करोड ५७ लाख थान सिलिण्डर रहेका छन्।