टेलिचलचित्र ‘चम्पादेवी’ सेभेन स्टार टेलिभिजनबाट आउने

काठमाडौं । टेलिचलचित्र ‘चम्पादेवी’ सेभेन स्टार टेलिभिजन फोरकेबाट प्रसारण हुने भएको छ । एस.एस. साइना क्रियशन प्रा.लि.को ब्यानरमा निर्माण भएको उक्त टेलिचलचित्र प्रत्येक सोमबार राति ८ बजेर ३० मिनेटमा प्रसारण हुने जानकारी प्राप्त भएको हो । 

शुक्रबार टेलिभिजनको तर्फबाट कार्यक्रम प्रबन्धक हेमन्त कटुवाल र निर्माण कम्पनीको तर्फबाट अध्यक्ष राधिका भुजेलबीच टेलिचलचित्र चम्पादेवी सेभेन स्टार फोरके टेलिभिजनबाट प्रसारण गर्ने सहमति भएको छ । सहमति भए अनुसार उक्त टेलिचलचित्र सेभेन स्टार फोरके टेलिभिजन, टेलिभिजनको फेसबुक पेज र एस.एस. साइना क्रियसनको युट्युव च्यानल मार्फत एकसाथ प्रसारण गरिनेछ । 

सौरभ दवाडीको लेखनमा हरि शर्माको प्रस्तुति, निर्देशनमा मणिराज काफ्ले र निर्माता साइना शर्मा रहेकोे उक्त टेलिचलचित्रले सामाजिक विषयवस्तुको उठान गरेको बताइएको छ । केही भाग निर्माण भइसकेको र अन्य भागको लेखन कार्य चलिरहेको प्रस्तुतकर्ता शर्माले जानकारी दिएका छन् । यो टेलिचलचित्रलाई मेघा सिरियलका रुपमा निर्माण गरिने उनको भनाइ रहेको छ ।