कांग्रेसमा महाधिवेशन विवाद उत्र्कषमा

काठमाडौं । नेपाली कांग्रेसमा विशेष महाधिवेशन पक्षधरले पुस २७ र २८ गतेका लागि भृकुटीमण्डपको हल बुक गरेका छन् । नियमित महाधिवेशनको सम्भावना सकिएपछि पार्टी स्वतः विशेष महाधिवेशनतिर अघि बढेकाले पुस २७ र २८ लाई भृकुटीमण्डपको हल बुकिङ गरिएको हो । 

विशेष महाधिवेशन माग गर्दै गत असोज २९ गते कार्यवाहक सभापति पूर्णबहादुर खड्कालाई २ हजार ४८८ महाधिवेशन प्रतिनिधिको हस्ताक्षर बुझाइएको थियो । कांग्रेस विधानमा ४० प्रतिशत महाधिवेशन प्रतिनिधिले विशेष कारण खोली हस्ताक्षर बुझाएको ३ महिनाभित्र विशेष महाधिवेशन गर्नुपर्ने व्यवस्था छ ।

 ५० प्रतिशत भन्दा बढी महाधिवेशन प्रतिनिधिले हस्ताक्षर बुझाएको ३ महिना पुग्न लाग्दा पनि पार्टीले बेवास्ता गरेको भन्दै हल बुक गरिएको उनीहरू बताउँछन् । तर महामन्त्रीद्वय गगन थापा र विश्वप्रकाश शर्मा बाध्यकारी विधान अनुसार नै अघि बढेका हुन् । तर संस्थापन पक्ष भने नियमित कार्यतालिका नै परिवर्तन गरेर चुनावपछि मात्रै महाधिवेशन गर्ने पक्षमा छ ।