जलवायुका मुद्दामा संसदकाे भूमिका प्रभावकारी बनाउनुपर्नेमा उपसभामुख रानाको जोड
२० साउन २०८१, आइतवार 
स्टार संवाददाता
स्टार संवाददाता 
काठमाडौं । उपसभामुख इन्दिरा रानाले जलवायु सम्बन्धी मुद्दामा संसदको भूमिकालाई प्रभावकारी बनाउनुपर्ने बताएकी छन् ।
भारतको नयाँ दिल्लीमा आयोजित ऊर्जा सम्बन्धी कार्यक्रममा बोल्दै उपसभामुख रानाले सांसद्ले राष्ट्रिय र अन्तर्राष्ट्रियकरण जलवायु मुद्दामा आवश्यक कदम चाल्न सरकारलाई बाध्य पार्न सक्ने भएका कारण संसदको भूमिका प्रभावकारी बनाउनुपर्नेमा जोड दिएकी हुन् ।
उनले जलवायु सम्बन्धी गतिविधिमा लगानी गर्ने विषयमा सरकारको भूमिकाको बारम्बार छलफल भइरहेको तर सांसद्को भूमिका बढाउनका लागि पनि सबैले ध्यान केन्द्रित गर्न आग्रह गरीन् ।
उपसभामुख रानाले जलवायु परिवर्तनको असर न्यूनीकरण गर्नका लागि राजनीतिक इच्छाशक्ति आवश्यक भएको बताउँदै यसका लागि जनचेतना जगाउनु र जलवायु–सकारात्मक नीतिहरूको वकालत गर्न आवश्यक रहेको बताएकी छन् ।
