बसाइ सराईले कुस्मिसेराको पोखरीमा बस्ती रित्तीयाे
२५ माघ २०८२, आइतवार 
स्टार संवाददाता
स्टार संवाददाता काठमाडाैं । बागलुङ जिल्लाको जैमिनि नगरपालिका बडानम्बर १ स्थित कुस्मिसेराको पोखरी गाउँ नै रित्तो हुने अबस्थामा पुगेको छ । सो स्थानमा पहिला ३२ वटा घरधुरी रहेको थियो । तर हाल आएर सो गाउँमा दुई परिवार मात्र बस्ने गरेका छन् ।
गाउँको हावापानी राम्रो रहेको छ साथै बाटो समेत पुगेको भएतापनि उक्त स्थानमा स्थानियहरु बसाई सरी अन्यत्रै जान थालेपछि बस्ती पातलिएको दिपा आचार्य बताइन् । उक्त गाउँमा घाँस दाउरा समेत प्रशस्त पाईन्थ्यो तर अहिले गाउका २० मुरी अन्न उब्जने खेतमा समेत बाझै बसेपछि बोके झारको फूलले बारी भरीएको गुमा पाैडेलले बताइन् ।
सो गाउँ छाडी त्यहाका बासिन्दा चितबन,पोखरा, बागलुङ लगायतका शहरी क्षेत्रमा बसाई सर्ने क्रम रोकियको छैन ७२ सालको बिनासकारी भुकम्पका कारण पनि सो स्थानका केही घरहरु भत्किएका छन् । घर भत्किएका कारण जोखिम कायमै रहेको र घर बनाउन समेत आर्थिक समस्या भएका कारण गाउा छाड्न बाध्य भएको स्थानियहरु बताए ।
गाउका स्थानिय पलायन हुन लागेपछि उनिहरुलाई गाउमा बस्ने ब्यबस्थापनका निम्ती जैमिनि नगरपालिकाले सहयोग नगरेको गुनासो स्थानियबासीको रहेको छ । स्थानिय सरकारले त्यसतर्फ ध्यान दिन जरुरी रहेको उनीहरु बताउछन् ।
