लोसपाले बोलायो सचिवालय बैठक
३ भदौ २०८२, मङ्गलवार 
स्टार संवाददाता
स्टार संवाददाता 
काठमाडौं । महन्थ ठाकुर नेतृत्वको लोकतान्त्रिक समाजवादी पार्टी (लोसपा) नेपालले सचिवालय बैठक बोलाएको छ ।
देशको समसामयिक राजनीतिक अवस्था तथा पार्टीको महाधिवेशनको विषयमा छलफलका लागि सचिवालयको बैठक बोलाएको जनाइएको हो । साउन मसान्तभित्र पार्टीको महाधिवेशन गर्ने निर्णय भएको थियो । तर सो पार्टीले तोकिएको समयमा महाधिवेशन गर्न सकेको छैन ।
सचिवालयको बैठकमा महाधिवेशनको मितिको बारेमा पनि छलफल हुने छ । तयारी नपुगेको कारण तोकिएको समयमा महाधिवेशन गर्न नसकिएको बताइएको छ । यसअघि तीन पटक पार्टीको महाधिवेशन गरिसकेको छ ।
