साउदी अरेबियाको एक हवाई अड्डामा अमेरिकी सैन्य विमान दुई टुक्रा भएको अवस्थामा भेटियो

काठमाडौं । साउदी अरेबियाको एक हवाई अड्डामा दुई टुक्रा भएको अवस्थामा अमेरिकी सैन्य विमानको तस्बिर सार्वजनिक भएको छ ।

तस्बिर पहिलो पटक अमेरिकी सैन्य समाचार प्रदान गर्ने फेसबुक पेजमा सेयर गरिएको थियो। तस्बिरमा दुई टुक्रा भएको ई ३ सेन्ट्री विमान छ । बीबीसी भेरिफाइले तस्बिर साउदी अरेबियाको राजधानी रियादबाट लगभग १०० किलोमिटर दक्षिणपूर्वमा अवस्थित प्रिन्स सुल्तान एयर बेसको भएको पुष्टि गरिएको जनाएको छ । 

एक अमेरिकी अधिकारीले शुक्रबार रोयटर्ससँग हवाई अड्डामा इरानी सैन्य आक्रमणमा १२ अमेरिकी कर्मचारी घाइते भएको बताएका छन्, जसमध्ये दुई जनाको अवस्था गम्भीर छ ।