गाजामा आक्रमणमा परी मृत्यु हुनेको संख्या ७५ हजार नाघ्यो

काठमाडौं । गाजामा इजरायली आक्रमणमा परी मृत्यु हुने प्यालेस्टिनीको संख्या ७५ हजार नाघेको छ । 

अल जजिराका अनुसार भर्खरै सार्वजनिक भएका केही स्वतन्त्र अध्ययनहरूले गाजाको स्वास्थ्य मन्त्रालयले यसअघि सार्वजनिक गर्दै आएको तथ्यांकभन्दा वास्तविक मृत्युदर निकै उच्च रहेको पुष्टि गरेका छन्। विशेषगरी भग्नावशेषमुनि पुरिएका, अस्पतालसम्म पुग्न नसकेका र भोकमरी वा उपचारको अभावमा ज्यान गुमाएका व्यक्तिहरूको संख्या आधिकारिक गणनामा नसमेटिएको शोधकर्ताहरूको निष्कर्ष छ। जसअनुसार ७५ हजारको यो आँकडामा ठूलो हिस्सा महिला र बालबालिकाको रहेको जनाइएको छ । 

अक्टोबर २०२५ मा भएको युद्धविरामको सम्झौतापछि पनि इजरायली आक्रमणहरूमा ६०० भन्दा बढी प्यालेस्टिनीले ज्यान गुमाइसकेका छन् । स्वास्थ्य सुविधाहरूको पूर्ण विनाश र अत्यावश्यक औषधिको अभावले गर्दा घाइतेहरूको मृत्यु हुने दर पनि बढिरहेको छ। कूटनीतिज्ञहरूले यो डरलाग्दो मानवीय क्षतिको विरोध गर्दै संयुक्त राष्ट्रसंघको सुरक्षा परिषद् इजरायलले गरेको युद्धविराम उल्लंघनको निन्दा गरेका छन्।