प्रतिनिधिसभा निर्वाचनका लागि ६५ दिन बाँकी, बन्द सूची पेश गर्ने समय थप नगर्ने

काठमाडौं । फागुन २१ गते तोकिएको प्रतिनिधि सभा निर्वाचनका लागि ६५ दिन बाँकी रहेको छ । जसअनुसार राजनीतिक दलहरुले निर्वाचन आयोगमा समानुपातिक तर्फको बन्दसूची बुझाएका छन् ।

नेपाली कांग्रेस, नेपाली कम्युनिस्ट पार्टी, जसपा, नाउपा, प्रलोपा, उज्यालो नेपाल पार्टी लगायतका दलहरू समानुपातिक सूची बुझाएका हुन् । आयोगले समानुपातिक सूची बुझाउने समय सीमा सोमबारसम्म निर्धारण गरेकाले दलहरू अन्तिम समयमा निर्वाचन आयोग पुगेर सूची बुझाएका छन् । तर अझै पनि नेकपा एमाले,राष्ट्रिय स्वतन्त्र पार्टी रास्वपा र राष्ट्रिय प्रजातन्त्र पार्टी राप्रपा निर्वाचन आयोगको कार्यालय पुगेका छैनन् । 

यता समानुपातिक उम्मेदवारको बन्दसूची बुझाउने समय नथपिने निर्वाचन आयोगका प्रवक्ता नारायण प्रसाद भट्टराईले जानकारी दिनुभएको छ । उहाँका अनुसार समानुपातिक उम्मेदवारको बन्दसूची बुझाउन आयोगको कार्यालयमा पुगेका दलहरूलाई भने मङ्गलबार बिहान १० बजे पनि सेवा दिइने छ ।।