कोशीको बर्खे अधिवेशन आजबाट सुरु
काठमाडौं । कोशी प्रदेश सभाको बर्खे (सातौँ अधिवेशन) आजबाट सुरु हुने भएको छ ।
बैठक दिउँसो २ बजेबाट विराटनगरस्थित सभा हलमा सुरु हुने छ । बैठकमा कोशी प्रदेश प्रमुख परशुराम खापुङको कार्यालयबाट प्राप्त पत्रबारे सदनमा जानकारी गराइनेछ ।
बैठकमा सभामा प्रतिनिधित्व गर्ने राजनीतिक दलले आ-आफ्नो धारणा राख्ने उनको भनाइ छ । प्रदेश सभा सचिवालयका अनुसार बैठकमा सरकारले ल्याएको प्रदेश ऐनलाई संशोधन गर्न बनेको अध्यादेश २०८२ सभामा टेबुल हुनेछ।
