जनताको सोच परिवर्तन हुन जरुरी छ : सभामुख घिमिरे
स्टार संवाददाता 
काठमाडौं । सभामुख देवराज घिमिरेले जनताको सोच परिवर्तन हुन जरुरी रहेको बताएका छन् ।
शनिबार सिंहदरबारमा पूर्व सांसद् मञ्चले आयोजना गरेको नेपालको वर्तमान अवस्था स् चुनौती र समाधान विषयक एकदिने कार्यक्रमलाई सम्बोधन गर्दै उनले यथार्थ के हो भन्नेबारे नेपाली जनताले हेर्ने काम कम भइरहेको बताएका हुन् ।
उनले कसैले बनाएको एउटा धारणालाई सही र गलत नछुट्याई अघि बढ्ने परिपाटी विकसित भइरहेकोप्रति चिन्ता व्यक्त गरे । उनले यथार्थलाई बुझ्ने, बुझाउने र त्यसलाई लिएर अगाडि बढ्ने मानसिकता कम हुँदै गएको बताएका छन् । उनले जनताको सोचमा परिवर्तन आउनुपर्ने समय आएको बताए ।
सभामुख घिमिरेले भने, ‘काठमाडौँको चैत्र १५ गतेको हत्या, हिंसा, आगजनी, लुटपाट, चोरी डकैतीको कुरालाई लिएर अहिले चर्चा छ। व्यवस्था परिवर्तन भयो, अवस्था परिवर्तन भएन भन्ने व्यापक छ। आम जनतामै छ तर यथार्थ त्यस्तो होइन। त्यसको मतलब हो जनताको सोच परिवर्तन गर्नुपर्ने भएको छ।’
