संघीय लोकतान्त्रिक गणतन्त्रको पक्षमा जनमत सिर्जना गर्न प्रवासी नेपालीलाई नेता निधिको आग्रह

काठमाडौं । नेपाली कांग्रेसका नेता विमलेन्द्र निधीले संघीय लोकतान्त्रिक गणतन्त्रको पक्षमा जनमत सिर्जना गर्न प्रवासी नेपालीलाई आग्रह गरेका छन् । 

नेपाली कांग्रेसको जनसम्पर्क समितिद्वारा बिहीवार पार्टी केन्द्रिय कार्यालय सानेपामा आयोजित कार्यक्रममा उनले यस्तो आग्रह गरेका हुन् । उनले नेपाली जनसम्पर्क समिति पहिलो पटक विपी कोईरालाले भारतमा स्थापना गरेको बताए । 

उनले विश्वभर क्रियाशिल रहेको काँग्रेसको जनसम्पर्क समितिले सबै प्रवासीसँग सम्बन्ध राख्ने बताबताएका छन् । उनले प्रवासी नेपालीहरुलाई हुने कानूनी समस्यालाई समाधान गर्न पार्टीको तर्फबाट पहल गर्ने बताए ।

प्रवासी नेपालीले देशको विकासका लागि आर्थिक तथा वैचारिक योगदान गर्नुपर्ने उनको भनाइ छ ।