रुसले युक्रेनमा गरेको ड्रोन आक्रमणमा परेर दुई जनाको मृत्यु
१८ वैशाख २०८२, बिहिवार 
स्टार संवाददाता
स्टार संवाददाता 
काठमाडौं । रुसले युक्रेनको ओडेसा सहरमा गरेको ड्रोन आक्रमणमा परेर दुई जनाको मृत्यु भएको छ ।
यो आक्रमणमा पाँच जना घाइते भएको दाबी गरिएको छ । रुसी आक्रमणबाट हताहत हुनुका साथै आवासीय भवन, एउटा सुपर मार्केट र एउटा विद्यालयमा क्षति पुगेको जनाइएको छ ।
२०२२ को फेब्रुअरीमा युक्रेनमाथि पूर्ण स्तरमा हमला सुरु गरेदेखि रुसले यस बन्दरगाहमा निरन्तर आक्रमण गरिरहेको छ । यस आक्रमणबारे रुसले अहिलेसम्म कुनै टिप्पणी गरेको छैन ।
