बढ्दो अन्तर्राष्ट्रिय अनिश्चितताको सामना गर्दै चिनियाँ अर्थतन्त्र

काठमाडौं । चीनको अर्थतन्त्रले अन्तर्राष्ट्रिय परिवेशमा बढ्दो ‘अनिश्चितता’का साथै अपर्याप्त आन्तरिक मागको सामना गरिरहेको एक उच्च वित्तीय अधिकारीले बताएका छन् ।

संयुक्त राज्य अमेरिकासँग बढ्दो व्यापार युद्धले निर्यातमा असर पारेकाले बेइजिङले बुधबार पाँच प्रतिशतको हाराहारीमा वार्षिक वृद्धिको महत्वाकांक्षी वार्षिक वृद्धिको लक्ष्य राखेको छ । अमेरिकी राष्ट्रपति डोनल्ड ट्रम्पले यसै साता चिनियाँ आयातमा थप कर वृद्धि गरेका छन् । ट्रम्पले आफ्नो शपथ ग्रहण समारोहमा जनाएको प्रतिबद्धता अनुसार कर वृद्धि हुने बताएका हुन् ।

चीनको राष्ट्रिय विकास तथा सुधार आयोगका अध्यक्ष झेङ शान्जीले एक पत्रकार सम्मेलनमा यो वर्ष आफ्नो आर्थिक वृद्धिको लक्ष्य हासिल गर्न सक्ने बताए । बेइजिङको वार्षिक दुई सत्रको राजनीतिक बैठकका क्रममा बोल्दै झेङले ‘बाह्य वातावरणमा अनिश्चितता झन् बढ्दै गएको’ स्वीकारे । उनले केही उद्योग र उद्यममा अपर्याप्त आन्तरिक माग, उत्पादन र सञ्चालनको कठिनाइजस्ता केही समस्या सामना गरिरहेको पनि बताए । 

प्रधानमन्त्री ली कियाङले बुधबार कम्युनिस्ट पार्टीको वार्षिक सम्मेलनमा घोषणा गरेको चीनको महत्वपूर्ण वृद्धिको आँकडा व्यापक रूपमा विश्लेषकहरूको एएफपी सर्वेक्षणसँग मिल्दोजुल्दो थियो । विशेषज्ञहरूले चीनको आर्थिक चुनौतीहरूको परिमाणलाई ध्यानमा राख्दै यो महत्वाकांक्षी रहेको बताएका छन् । विश्वको दोस्रो ठूलो अर्थतन्त्र भएको यो अर्थतन्त्रले कोभिड–१९ को महामारीपछि आफ्नो स्थान पुनः प्राप्त गर्न संघर्ष गरिरहेको छ । 

घरेलु उपभोग र विशाल सम्पत्ति क्षेत्रमा निरन्तर ऋण संकट जारी छ । बेइजिङले वासिङ्टनको पछिल्लो कर वृद्धिको प्रतिशोध स्वरूप मंगलबार आफ्नै उपायहरूको घोषणा गरेको छ । उसले अमेरिकासँग व्यापार युद्ध लड्ने प्रतिबद्धता व्यक्त गरेको छ । यो कदमले चीनले सोयाबिन, सुँगुरको मासु र गहुँलगायत अमेरिकी कृषि उत्पादनहरूमा अर्को हप्ताको सुरुदेखि १५ प्रतिशतसम्म कर लगाउनेछ ।