सवारी दुर्घटनामा परी गाउँपालिका उपाध्यक्ष कार्कीको मृत्यु

काठमाडौं । सवारी दुर्घटनामा परी गाउँपालिकाका उपाध्यक्षको मृत्यु भएको छ । हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको मृत्यु भएको हो । 

सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका वडा नम्बर-५ को एमाले मोडमा दुर्घटना हुँदा कार्कीको मृत्यु भएको प्रहरीले बताएको छ । 

दुर्घटनामा गम्भीर घाइते भएका कार्कीलाई उपचारका लागि नेपालगन्ज मेडिकल कलेज भेरी अस्पतालमा लगिएको थियो । उनको उपचारका क्रममा  राति दुई बजे निधन भएको  जनाइएको छ । 

उनी नेकपा माओवादी केन्द्रको तर्फबाट हुम्लाको सर्केगाड गाउँपालिकामा उपाध्यक्ष निर्वाचत भएका थिए । .